Ռուսաստանը պատրաստ է «շրջել էջը» եւ ԱՄՆ հետ բարեկամական հարաբերություններ զարգացնել, սակայն անհրաժեշտ է լուծել անվտանգության ոլորտի հին խնդիրները, մասնավորապես, Ռազմավարական հարձակողական սպառազինությունների կրճատման մասին պայմանագրի եւ միջին եւ փոքր հեռահարության հրթիռների վերաբերյալ:
Այս մասին ԱԽՏՀ գագաթաժողովի արդյունքներից հետո լրագրողներին հայտարարել է Ռուսաստանի նախագահ Վլադիմիր Պուտինը, հաղորդում է ՏԱՍՍ-ը:
«Մենք, ինչպես գիտեք, հաճախ ու շատ ենք խոսում այդ մասին, պատրաստ ենք շրջել էջը եւ առաջ գնալ, ապագային նայել, լուծել այն խնդիրնրեը, որոնք կապված են ԱՄՆ եւ Ռուսաստանի ժողովուրդների շահերի հետ», - ասել է Պուտինը:
Նրա կարծիքով՝ երկու երկրների հարաբեչրությունների բնույթն այժմ վկայում է այն մասին, որ ՌԴ-ն եւ ԱՄՆ-ն դուրս չեն եկել ճգնաժամից:
«Տեսեք, մենք կնքել ենք Ռազմավարական հարձակողական սպառազինությունների կրճատման մասին պայմանագիրը՝ ՀՍԿ-3: Երբ այդ պայամանգիրը կնքվել է, ես Ռուսաստանի նախագահը չէի եւ Թրափն էլ չի մասնակցել այդ փաստաթղթի նախապատրաստմանը, բայց այն գոյություն ունի: Այնտեղ կան հարցեր, որոնք պետք է քննարկել», - ասել է նա: