Միջազգային տիեզերակայան (ՄՏԿ) կուղարկեն աղիքային ցուպիկը (Escherichia coli բակտերիան), փոխանցում է Lenta.ru-ն:

Բեռը տեղափոխող Cygnus տիեզերանավի արձակումը պետք է տեղի ունենա նոյեմբերի 12-ին ԱՄՆ Աերոգնացության եւ տիեզերական տարածքի ազգային վարչությունում (ՆԱՍԱ):

Անձնակազմը կհետազոտի, թե միկրոգրավիտացիան ինչպես է ազդում E.coli-ի բազմացման ունակության վրա: Նշվում է, որ առաքելության շրջանակում կուսումնասիրվի նաեւ հակաբիոտիկների նկատմամբ բակտերիայի կայունությունը:

ՆԱՍԱ-ից նշել են, որ տիեզերագնացների իմունային համակարգը մկրոգրավիտացիայի պայմաններում թուլանում է, ուստի աղիքային ցուպիկը նրանց համար չափազանց վտանգավոր է: Գիտնականները հույս ունեն փորձի շնորհիվ գտնել երկարատեւ թռիչքների ժամանակ անձնակազմի առողջության պաշտպանության արդյունավետ միջոցները:

Cygnus բեռնատարը նախապես պետք է ՄՏԿ ուղեւորվեր նոյեմբերի 11-ին, սակայն մեկնարկից մեկ րոպե առաջ այն մեկ օրով հետաձգվել է: Պատճառը արձակման հարթակի անմիջական մոտակայքում օդանավի հայտնվելն էր:

Բեռնատար տիեզերանավով տանող հրթիռ Antares-ի մեկնարկի նոր փորձը ծրագրված է նոյեմբերի 12-ի ցերեկը Վիրջինիա նահանգի Վալոփս տիեզերակայանից: Cygnus-ը պետք է ՄՏԿ հասցնի ավելի քան 3 տոննա բեռ: