Սիրիայի ճգնաժամի հարցով հայտարարությունը, որին աջակցել են Ռուսաստանի եւ ԱՄՆ նախագահներ Վլադիմիր Պուտինն ու Դոնալդ Թրամփը, մեկնաբանությունների կարիք չունի, քանի որ կրկնակի մեկնաբանություններ թույլ չի տալիս: Այս մասին նշել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը:
«Կարիք չկա հայտարարությունը մեկնաբանել, քանի որ դրա տեքստը կա»,- ասել է Պեսկովը:
«Այն կարելի է կարդալ, եւ որեւէ կրկնակի մեկնաբանությունը տեղին չէ»,- շեշտել է նա՝ պատասխանելով լրագրողների պարզաբանելու խնդրանքին, թե իսկապես հայտարարությամբ ենթադրվում է Սիրիայից իրանամետ ուժերի դուրսբերում եւ այս մասով իբր Ռուսաստանի կողմից որոշ պարտավորություններ: