Այս գիշեր հայ-ադրբեջանական սահմանին իրավիճակը հանգիստ է եղել: Այս մասին NEWS.am-ին հայտնեց Հայաստանի ՊՆ մամուլի քարտուղար Արծրուն Հովհաննիսյանը:
Ինչ վերաբերում է նախորդ գիշեր Ադրբեջանի զինուժի կողմից Տավուշի մարզում հայկական դիրքերի ուղղությամբ կրակոցներին նա նշեց, որ մոտ 30 կրակոց է եղել Բարեկամավան գյուղի ուղղությամբ եւ մի քանի կրակոց էլ մեծ տրամաչափի գնդացիրից:
Ավելի վաղ Տավուշի մարզի Բարեկամավան գյուղի բնակիչները Aravot.am_ին հայտնել էին, որ նոյեմբերի 12-ին, ժամը 17.50-ի սահմաններում ադրբեջանական զինուժը շուրջ 5 րոպե կրակել է Բարեկամավան գյուղի վրա: Ժամը 18.20-ից գյուղի գնդակոծությունը վերսկսվել է: Ադրբեջանական զինուժի գնդակոծությունների ժամանակ գնդակները ծակել-անցել են դպրոցի 2 պատուհանի ապակիները:
