News
Լրահոս
News
Ուրբաթ
Օգոստոս 17
Տեսնել լրահոսը


«Տաշիր» ընկերությունների խումբը Հայաստանի ներդրողների ակումբի եւ միջազգային ֆինանսական ինստիտուտների հետ համատեղ պատրաստվում է առաջիկա տարիների ընթացքում մոտ 1 մլրդ ԱՄՆ դոլարի ներդրում կատարել Հայաստանի էներգետիկայի ոլորտում։ Այս մասին այսօր՝ նոյեմբերի 13-ին, «Տաշիր» գրուպի ներդրումների ծրագրերի շնորհանդեսի ժամանակ հայտարարեց «Հայաստանի էլեկտրական ցանցեր» ՓԲԸ տնօրենների խորհրդի նախագահ Կարեն Դարբինյանը:

«Նախատեսվում է կառուցել Լոռիում «Շնող» ՀԷԿ-ը, որի կառուցումը կարժենա 150-190 մլն դոլար: Նախապատրաստական աշխատանքների ամփոփումից հետո «Շնող» ՀԷԿ-ի նախապատրաստական աշխատանքները կավարտվեն 4 տարվա ընթացքում»,-ասաց նա:

Էներգետիկայի ոլորտի ներդրումային ծրագիրը ներառում է երեք ուղղություն՝ ներդրումներ բաշխիչ ցանցերում եւ հիդրոէներգետիկայի բնագավառներում:

Կարեն Դարբինյանը նշեց, որ առաջիկա տասը տարիներին «Հայաստանի էլեկտրական ցանցեր» ընկերությունը, որը 2015թ.-ից մտնում է «Տաշիր» ընկերությունների խմբի մեջ, մինչեւ 900 մլն դոլարի միջոցներ կուղղի Հայաստանի ներկայիս էլեկտրաէներգետիկական ենթակառուցվածքի վերակառուցման եւ էլեկտրաէներգիայի առեւտրային հաշվառման համակարգի ներդրման ուղղությամբ:

«Ընկերության հիմնական միջոցները՝ 85 եւ ավելի տոսկոսով մաշվածություն ունեն, որը առաջացնում է  որակական ցուցանիշների ծայրահեղ շեղված վիճակ, արդիականացման կարիք կա: Ծրագրի իրագործումից հետո ցանցերը կհամապատասխանեն միջազգային ամենաբարձր ստանդարտներին»,-ասաց նա:

Կարեն Դարբինյանը նշեց՝  ծրագրի ամենակարեւոր ուղերձը հետեւյալն է՝ «սա ներդրում է Հայաստանի ապագայի համար»:

Նշենք, որ այսօր ստորագրված են պայմանագրեր Ասիական Զարգացման Բանկի (ԱԶԲ) եւ Վերակառուցման եւ Զարգացման Եվրոպական Բանկի (ՎԶԵԲ) հետ՝ ընդհանուր գնահատմամբ 160 մլն ԱՄՆ դոլարի ներգրավման նպատակով: Ստորագրվել է նաեւ փոխհամաձայնության հուշագիր Եվրասիական Զարգացման Բանկի հետ՝ 100 մլն ԱՄՆ դոլարի ներգրավման նպատակով: Բացի այդ, շարունակվում են բանակցություններն այլ ֆինանսական կառույցների հետ՝ մատակա տարիների ընթացքում այլ ֆինանսական միջոցներ ներգրավելու նպատակով:

Բացի այդ, նախատեսվում է կառուցել հիդրոէլեկտրակայան: Սա թույլ կտա նախկինում պլանավորված 76 ՄՎտ-ի փոխարեն ստանալ մոտ 120 ՄՎտ հզորությամբ կայան՝ էլեկտրաէներգիայի տարեկան մինչեւ 460 մլն կՎտ*ժ արտադրողականությամբ՝ ապահովելով Հայաստանում ընդհանուր սպառվող էլեկտրաէներգիայի շուրջ 5-6%-ը: Կայանը նախատեսվում է կառուցել Դեբեդ գետի (Հայաստանի Լոռու մարզ) հյուսիսային մասում. ընդհանուր բյուջեն կկազմի մինչեւ 200 մլն ԱՄՆ դոլար:

Ծրագրում իր մասնակցությունը կունենան ամերիկյան Ռոբբինս ընկերությունը եւ Համաշխարհային Բանկի խմբի Միջազգային Ֆինանսական Կորպորացիան։

Նախապատրաստական աշխատանքների ամփոփումից հետո Շնող ՀԷԿ-ի կառուցման աշխատանքները կավարտվեն 4 տարվա ընթացքում:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Նախարար Գրիգորյանն ընդունել է ՀՀ-ում Չինաստանի դեսպանին
Բնագավառներում հայ-չինական համագործակցությանը վերաբերող հարցերի լայն շրջանակ...
ՀՀ-ի դիրքը նպաստավոր է էլեկտրաէներգետիկական ծրագրեր իրականացնելու համար. Իրանի էներգետիկայի փոխնախարար
Արթուր Գրիգորյանն ընդունել է Հոմայուն Հաերիին. քննարկել են հնարավոր համագործակցության հարցեր...
Նավթի համաշխարհային գները նվազում են
Brent տեսակի նավթի ֆյուչերսները՝ հոկտեմբերյան մատակարարումներով նվազել են 0,07 տոկոսով՝ մեկ բարելի դիմաց հասնելով մինչեւ 71,38 դոլարի…
Նավթի համաշխարհային գներն աճում են
Հոկտեմբերին Brent տեսակի հում նավթի ֆյուչերսներն աճել են 0.41 տոկոսով...
Նավթի համաշխարհային գները նվազում են
Brent տեսակի նավթի ֆյուչերսները՝ հոկտեմբերյան մատակարարումներով նվազել են 0,23 տոկոսով…
Կասպից ծովի իրավական կարգավիճակի մասին կոնվենցիան կարող է սաստկացնել ՀՀ–ի տնտեսական եւ էներգետիկ մեկուսացումը
Աշխարհաքաղաքական տեսանկյունից, ինչպես ինձ թվում է, կոնվենցիայի ստորագրման հետեւանքով Հայաստանը, մասամբ, կկորցնի իր ռազմաքաղաքական եւ աշխարհաքաղաքական նշանակությունը տարածաշրջանում...
Partner news