Իսրայելը ԱՄՆ–ին եւ Ռուսաստանին հայտնել է, որ շարունակելու է միջոցներ ձեռնարկել Սիրիայի սահմանին՝ անվտանգության ոլորտի պահանջներին համապատասխան, անգամ եթե 2 պետությունները փորձեն հրդադարի ռեժիմ հաստատել։ Այս մասին ասել է Իսրայելի վարչապետ Բենիամին Նեթանյահուն, փոխանցում է Reuters–ը։
«Մենք վերահսկում ենք մեր սահմանները, պաշտպանում ենք մեր երկիրը եւ կշարունակենք անել դա»,– ասել է Նեթանյահուն՝ ելույթ ունենալով իր «Լիկուդ» կուսակցության անդամների առաջ։
«Ես նաեւ առաջին հերթին Վաշինգթոնում, իսկ հետո Մոսկվայում մեր ընկերներին հայտնել եմ, որ Իսրայելը շարունակելու է գործել Սիրիայում, այդ թվում, հարավում՝ անվտանգության պահանջներին համապատասխան եւ մեր պատկերացումներին համապատասխան»,– ասել է Նեթանյահուն։