Իրանում Քերմանշահ նահանգի երկրաշարժի կապակցությամբ, որը 445 մարդու կյանք է խլել, եռօրյա սուգ է հայտարարվել:

7000-ից ավել մարդ վիրավորվել է: Փլատակներից տակից կենդանի մնացած մարդկանց գտնելու հույսով փրկարական աշխատանքները շարունակվում են, հաղորդում է Tasnim-ը:

Քերմանշահի նահանգապետ Խուշան Բազվանդը աղետից հետո նախագահ Հասան Ռոհանիի հետ հեռախոսազրույցում հայտնել է, որ զոհվածների թիվը կաճի:

7,2 մագնիտուդով ավերիչ երկրաշարժը տեղի է ունեցել կիրակի, Իրաքի եւ Իրանի սահմանին:

Ստորերկրյա ցնցումները գրանցվել են Բաղդադից 204 կմ դեպի հյուսիս-արեւելք եւ իրանական Քերմանշահ քաղաքից 104 կմ արեւմուտք: Ստորերկրյա ցնցումները զգացվել են նաեւ տարածաշրջանի այլ երկրներում, այդ թվում Քուվեյթում, Միացյալ Արաբական Էմիրություններում եւ Իսրայելում:

Իրանում երկրաշարժից մոտ 4000 մարդ է տուժել, 300-ից ավելը՝ զոհվել

Սեյսմոլոգները Իրաքում երկրաշարժը սալերի «տեղաշարժով» են պայմանավորել