ՌԴ Հարավային ռազմական օկրուգի Հայաստանում տեղակայված ռուսական ռազմաբազայի հերթապահ ավիացիոն հերթափոխի զինծառայողները համատեղ վարժանք են անցկացրել Հայաստանի ՌՕՈւ եւ ՀՕՊ ուժերի ու միջոցների փոխգործակցությամբ:
Հերթապահ հերթափոխի կործանիչների թռիչքները կատարվել են ՀՕՊ ուժերի հերթապահության գոտիներում՝ 100-ից մինչեւ 5 հազար մետր տարբեր բարձրություններում:
Անդրկովկասում անցկացվող ՌՕՈւ եւ ՀՕՊ ուժերի եւ միջոցների վարժանքների առանձնահատկությունն այն է, որ թռիչքները կատարում են բացառապես փորձառու օդաչուները, որոնք պատրաստված են զույգի կամ օղակների կազմում մանեւրային օդային մարտեր վարելուն՝ բարձրլեռնային պարզ եւ բարդ կլիմայական պայմաններում:
Վարժանքին մասնակցել է մոտ 300 զինծառայող եւ ավելի քան 50 միավոր ռազմական տեխնիկա, այդ թվում՝ Բուկ-1, Ս-300Վ զենիթահրթիռային համալիրներ եւ Էրեբունի ռուսական ավիացիոն ռազմական բազայի չորրորդ սերնդի ՄիԳ-29 կործանիչներ:
