Նոյեմբերի 14-ին ԱԺ-ն երկրորդ ընթերցմամբ քննարկեց  «Պետական թոշակների մասին» օրենքում փոփոխություններ կատարելու օրինագիծը, որի համաձայն՝ մարտական գործողությունների, մարտական հերթապահություն կամ հատուկ հանձնարարություն կատարելու ժամանակ հաշմանդամություն ստացած անձանց զինվորական թոշակի վճարում չկատարելու դեպքում չվճարված գումարը կարող է տրվել նաեւ լիազորագրով, եթե թոշակ ստացող անձը բուժհաստատությունում բուժվում է (այդ թվում բուժզննում կամ վերականգնում է անցնում): Օրինագիծը ներկայացնելիս աշխատանքի եւ սոցիալական հարցերի նախարար Արտեմ Ասատրյանը նշեց, որ կառավարությունը հաշվի է առել բոլոր դիտողությունները, որոնք արտահայտվել են այս տարվա հոկտեմբերի սկզբին առաջին լսումների ժամանակ:

Լրացումների համաձայն՝ չվճարված թոշակը լիազորագրով է տրվում բուժման մեջ գտնվելու ամբողջ ժամանակահատվածում: