Նոյեմբերի 14-ին Վիտեբսկում հրապարակվել է Սանկտ Պետերբուրգի մարզից քահանայի նկատմամբ կայացված դատավճիռը: Նա մեղադրվում է մամնավաճառությամբ զբաղվելու կազմակեերպման եւ օգտագործման մեջ՝ ուղեկցված մարմնավաճառությամբ զբաղվելու համար մարդկանց երկրի սահմաններից դուրս կանչելով: Քննության տվյալներով՝ քահանան երկար ժամանակ Բելառուսում աղջիկների է հավաքագրել Սանկտ Պետերբուրգի անառականոցների համար, հայտնում է «Sputnik-Բելառուսը»:
«Նշանակվում է պատիժ 5 տարի 6 ամիս ժամկետով ազատազրկման ձեւով, ուժեղացված ռեժիմի ուղղիչ գաղութում, ունեցվածքի բռնագրավմամբ: Գործով անցնող անձանց կյանքի ինտիմ կողմի մասին տեղեկությունների տարածումը կանխելու նպատակով դատական նիստը փակ ռեժիմով է անցկացվել»,- հայտնել են դատարանից:
Ավելի վաղ 39-ամյա քահանան՝ հավաքագրած 2 կանանց հետ ձերբակալվել էր Վիտեբսկի կայարանում: Դատարանում նա իրեն մեղավոր չէր ճանաչել: Դատավճիռը դեռեւս օրինական ուժի մեջ չի մտել: Նա կարող է այն բողոքարկել օրենքով սահմանված ժամկետում: