News
Տեսնել լրահոսը

Քիչ առաջ Երեւանի Ավագանու նիստում նոր քաղաքապետ է ընտրվել «Հայռուսգազարդ» ընկերության ղեկավար Կարեն Կարապետյանը: Նրա թեկնածությանը կողմ են քվեարկել 50, դեմ՝ 1 մարդ:

Երեկ՝ դեկտեմբերի 16-ի ուշ երեկոյան ՀՀԿ խորհուրդը միաձայն որոշել էր, որ Երեւանի քաղաքապետի պաշտոնում կուսակցությունն առաջարկում է «Հայռուսգազարդ» ընկերության նախագահ Կարեն Կարապետյանի թեկնածությունը:

Մինչ այդ նշվում էր, որ ՀՀԿ-ում այդ պաշտոնի համար քննարկվում է երկու թեկնածություն. Կարեն Կարապետյանի եւ Երեւանի քաղաքապետի պաշտոնակատար Տարոն Մարգարյանի: Դեռ 3 օր առաջ NEWS.am-ը հայտնել էր, որ ամենայն հավանականությամբ, Երեւանի հաջորդ քաղաքապետը հենց Կարեն Կարապետյանն է լինելու:

Հաշվի առնելով, որ Երեւանի ավագանում ՀՀԿ-ն ունի բացարձակ մեծամասնություն՝ 35 մանդատ, ապա ակնհայտ էր, որ Կարեն Կարապետյանի թեկնածության քվեարկությունը Երեւանի Ավագանու նիստում կրելու է զուտ ձեւական բնույթ:

Այդուհանդերձ, քաղաքապետի ընտրություններն առանց զավեշտի չեն անցել: Բանն այն է, որ ըստ ընտրակարգի, կողմ քվեարկողները քվեաթերթիկի վրա նշում են անում «դեմ» գրառման վրա, իսկ դեմ քվեարկելու դեպքում՝ «կողմ» գրառման վրա: Քվեարկության ընթացքում եղել է այդպիսի մեկ քվեաթերթիկ, եւ ընտրություններից հետո բավական երկար ժամանակ Երեւանի ավագանու անդամները քննարկում էին՝ միգուցե քվեարկողներից մեկը կողմ քվեարկելիս շփոթվել է եւ նշում արել հենց «կողմ» գրառման վրա: Բանը հասել է այնտեղ, որ ավագանու անդամներին առաջարկել են, որ «դեմ քվեարկողն» արձագանքի եւ տեղյակ պահի, թե ինչպես է քվեարկել: Բնականաբար որեւէ մեկը չի համարձակվել արձագանքել, եւ ավագանին որոշել է այդ մեկ քվեաթերթիկը գրանցել որպես Կարեն Կարապետյանի դեմ քվեարկված:

Հիշեցնենք, որ Երեւանի քաղաքապետի պաշտոնից իր դիմումի համաձայն ազատվել էր Գագիկ Բեգլարյանը՝ ՀՀ նախագահի աշխատակազմի արարողակարգի բաժնի աշխատակից Արամ Կանդայանին ծեծի ենթարկելուց հետո:

Ստորեւ ներկայացնում ենք Կարեն Կարապետյանի կենսագրությունը.

Ծնվել է 1963թ. օգոստոսի 14-ին:

1970-1980 թթ. սովորել եւ ավարտել է Երեւանի Լ. Տոլստոյի անվան միջնակարգ դպրոցը:
1980-1985թթ. սովորել եւ գերազանցության դիպլոմով ավարտել է Երեւանի պետական համալսարանի կիրառական մաթեմատիկայի ֆակուլտետը:
1985-1996թթ. աշխատել է ՀՀ պետպլանի հաշվողական կենտրոնում, գիտության եւ մշակույթի գործիչների ասոցիացիայում: Միաժամանակ դասավանդել է ԵՊՀ-ում:
1996-1998թթ. աշխատել է «Հայէներգո» ՊՁ-ում` որպես գլխավոր տնօրենի տեղակալ:
1998-2001թթ՝ «Հայէներգո» ՓԲԸ-ում՝ որպես գլխավոր տնօրեն:
2001թ. նշանակվել է ՀՀ էներգետիկայի նախարարի տեղակալ:
2001թ.-ից` «ՀայՌուսգազարդ» ՓԲԸ-ի Վարչության Նախագահ-Գլխավոր տնօրեն:
1989 թ. շնորհվել է տնտեսագիտության թեկնածուի կոչում, ունի 17 գիտական աշխատանք:
2006թ. ՀՀ նախագահի հրամանագրով պարգեւատրվել է «Անանիա Շիրակացու» մեդալով:
2008թ.-ին ընտրվել է «Առէկսիմբանկ» ՓԲԸ խորհրդի նախագահ:
2008թ. ԼՂՀ նախագահի հրամանագրով պարգեւատրվել է «Անանիա Շիրակացու» մեդալով:
2010թ.-ին շնորհվել է տնտեսագիտության դոկտորի գիտական աստիճան:

Ամուսնացած է, ունի երեք երեխա:

Լուսանկարները և տեսանյութը՝ Գագիկ Շամշյանի

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջ
Մենք էսօր խնդիր ունենք արագ վերափոխվելու. ՀՀԿ–ն լքած Խաչիկ Մանուկյանը կանդամագրվի ԲՀԿ–ին
Գործարարների համար էլ ենք պայքարում…
Վարչապետն ընդունել է զարգացման լավագույն ծրագրեր ներկայացրած Արարատի եւ Լոռու մարզերի համայնքների ղեկավարներին
Վեդի համայնքի ղեկավարը ներկայացրել է նաեւ քաղաքում աղբի տեսակավորման կայանի կառուցման ծրագիրը...
Սերժ Սարգսյանը ԴԱՀԿ պետ է նշանակել
Մինչ այդ նա նախագահի ռեֆերենտն էր...
«Ժամանակ». Ի՞նչ ասաց Լավրովը Մոսկվայում Նալբանդյանին ու Մամեդյարովին
Մնացյալ հանգրվանները՝ հայկական կողմի որեւէ մակարդակի մասնակցությամբ հանդիպումները, շփումները, պետք է ենթակա լինեն հենց այդ տրամաբանությանը կամ չլինեն ընդհանրապես…
«ՀԺ». Գագիկ Խաչատրյանի հարազատների գործերն այնքան էլ լավ չեն. սկսել են ավելի քիչ հարկ վճարել
Ստացվում է, որ «Յուքոմն» ու «Օրանժը» միասին անցած տարվա առաջին եռամսյակում վճարել էին 1.3 միլիարդ դրամ, իսկ այս տարի...
«Ժամանակ». Ընտրություններում հաղթած ԲՀԿ թեկնածուն կուսակցությունից դուրս գալու դիմում է գրել. «մեղավորը» Ծառուկյանն է
Հիշեցնենք, որ Մամոյանը 2012-ին Նոր Նորքում 19 հազար ձայն էր հավաքել, սակայն այն ժամանակ նրա փոխարեն պատգամավոր դարձավ Հայկ Խաչատրյանը…
Ամենաշատ
Partner news