ՀՀ կառավարությունն առաջարկում է Հայաստանի սահմանամերձ համայնքների բնակիչներին պետական աջակցության ժամկետը երկարաձգել մինչեւ 2020 թվականը ներառյալ։
«Սահմանամերձ համայնքներին սոցիալական աջակցության մասին» օրինագծում համապատասխան փոփոխությունների նախագիծը նոյեմբերի 14-ին ներկայացվել է խորհրդարան։ Տարածքային կառավարման եւ զարգացման փոխնախարար Վաչե Տերտերյանը նշեց, որ օրինագծի ընդունման անհրաժեշտությունը ծագել է այն պատճառով, որ 2015–ին օրենքի ընդունմամբ եռամյա շրջան էր սահմանվել դրա իրականացման համար։ Այն ժամանակ հիմնական նպատակն այն էր, որ այդ ժամկետի լրանալուց հետո ուսումնասիրվի սահմանամերձ համայնքների բնակչությանը պետական աջակցության արդյունավետությունը։
Պատասխանելով «Ելք» խմբակցության ղեկավար Նիկոլ Փաշինյանի հարցին, թե ինչ արդյունք է ունեցել այդ օրենքը, մասնավորապես, սահմանամերձ համայնքների բնակչության թվաքանակի ցուցանիշի առումով, Տերտերյանն ասաց, որ իրականացվել են այդ շրջաններում բաժանորդների քանակի հաշվառման հաշվարկներ։ Ըստ այդ տեղեկությունների՝ այդ ուղղությամբ որեւէ շոշափելի փոփոխություն չկա։«Ես հասկանում եմ, որ բաժանորդների քանակը կարող է եւ ցուցանիշ չլիներ, քանի որ մարդիկ կարող են հեռանալ, բայց միեւնույն ժամանակ մնալ գազի կամ էլեկտրաէներգիայի ընկերության բաժանորդ։ Սակայն բնակիչների սպառած գազի եւ էլեկտրաէներգիայի ծավալները՝ մոտ 928-929 մլն դրամ, ծախսվում են ամբողջովին։
Օրինագծի ընդունումը թույլ կտա պետական աջակցություն ցուցաբերել 25 համայնքների 37 բնակավայրերի։
