Լիբանանի Մարոնիթական կաթոլիկ եկեղեցու պատրիարք Բեշարա Ռաին Սաուդյան Արաբիա կատարած պատմական այցի ժամանակ վարչապետ Սաադ Հարիրիի հրաժարականի հետ կապված իր աջակցությունն է հայտնել, հաղորդում է AFP-ն:
«Ես համոզված եմ նրա հրաժարականի պատճառների մեջ: Նա առաջիկայում կվերադառնա Լիբանան»,-ասել է պատրիարքը:
Սաուդյան Արաբիա կատարած այցի շրջանակներում նա հանդիպել է Սալման թագավորի եւ թագաժառանգ Մուհամմեդ բին Սալմանի հետ: Պատրիարքը եւ թագավորը «քննարկել են թագավորության եւ Լիբանանի եղբայրական հարաբերությունները եւ վերահաստատել բռնության, ծայրահեղականության եւ ահաբեկչության դեմ պայքարում տարբեր կրոնների եւ մշակույթների դերը», - ասվում է Սաուդյան Արաբիայի պետական գործակալության հայտարարության մեջ:
Ավելի վաղ Հարիրին Twitter-ի իր միկրոբլոգում գրել էր, որ առաջիկա երկու օրերի ընթացքում կվերադառնա Լիբանան, սակայն նրա ընտանիքը կմնա Սաուդյան Արաբիայում: Մոտ 10 օր առաջ Հարիրին անսպասելիորեն հրաժարական տվեց՝ գտնվելով Էր Ռիյադում: