Կոսմետիկայի M.A.C ապրանքանիշը սկսել է իր խանութներում իրականությամբ համալրված հայելիներ տեղադրել, հայտնում է Digital Trends-ը:
Նշվում է, որ գնորդները կարող են վիրտուալ եղանակով փորձել ապրանքանիշի ցանկացած միջոց: «Խելացի» հայելիները, որոնք մշակել է ModiFace ընկերությունը, մարդկային դեմքի 3D մոդել են ստեղծում, որի վրա կարելի է դիմահարդարում կատարել:
Նոր տեխնոլոգիան առաջինը կթողարկվի ԱՄՆ-ում: Մինչեւ 2018 թվականի վերջ «խելացի» հայելիները կտեղադրվեն ամբողջ աշխարհում գտնվող M.A.C-ի խանութներում:
M.A.C Cosmetics-ը կոսմետիկա արտադրող է, կենտրոնակայանը գտնվում է Նյու Յորքում: Ընկերությունը ստեղծվել է 1984 թվականին Կանադայում: Ընկերությունը սկզբում ներկայանում էր որպես «ոճաբանների համար նախատեսված կոսմետիկա», սակայն հետո դուրս եկավ զանգվածային շուկա: Ներկայումս ապանքանիշը պատկանում է Estee Lauder ընկերությանը: