Հայաստան-Իրան երկաթգծի շինարարությունը այս պահին տնտեսապետ ձեռնտու չէ: Այս մասին, այսօր՝ նոյեմբերի 15-ին, ԱԺ-ում, 2018 թվականի պետական բյուջեի նախագծի քննարկման ժամանակ նշել է ՀՀԿ խմբակցության պատգամավոր, ԱԺ ֆինանսավարկային եւ բյուջետային հանձնաժողովի նախագահ Գագիկ Մինասյանը՝ անդրադառնալով հարցին, թե ի՞նչ նախադրյալներ կան այդ երկաթուղու շինարարության համար ֆինանսական միջոցներ հայթայթելու առումով:
«Երկաթգծի շինարարությունը պետք է տնտեսապես ձեռնտու լինի: Իհարկե կան երկրներ, որոնք նման մեծ նախագծեր են իրականացնում զուտ քաղաքական տեսակետից: Հայաստանը չունի այդ հնարավորությունը, որ իր միջոցներով նման քաղաքական ծրագիր իրականացնի: Իհարկե, կան երկրներ, որոնք կարող են աջակցել նման երկաթգծի կառուցմանը, բայց այսօր այդպիսի առաջարկներ մենք չունենք: Տնտեսական առումով հաշվարկներն այնպիսին են, որ այդ մեծ ներդրումները չեն կարող ապահովել այն եկամուտները, որ ծածկեն այդ ծախսերը»:
Մինասյանի խոսքով, Հյուսիս-Հարավ մայրուղին մեծապես կարող է փոխարինեն այն խնդիրներին, որոնք պետք է լուծվեր Հայաստան-Իրան եկթաուղու կառուցմամբ:
