Հայաստանում ավիատոմսերը մի քանի անգամ թանկ են, բայց «նեգրի ռեյսեր» են: Այս մասին այսօր՝ նոյեմբերի 15-ին, խորհրդարանում ««Ելք» խմբակցության հարցապնդումը քաղավիացիայի» մասին հարցի քննարկման ժամանակ ասաց «Ծառուկյան» խմբակցության պատգամավոր Նաիրա Զոհրաբյանը:
«Ավիատոմսերը թանկ են, ռեյսերն էլ նվաստացուցիչ են, «նեգրերի ռեյսեր» են, մեր օդանավերն իջնում են գիշերը կամ լուսադեմին, իսկ տոմսերը Փարիզից այլ երկիր մի քանի անգամ ավելի էժան են եւ սպիտակ մարդու ռեյսեր են ցերեկային ժամերի: Ունենալով աշխարհում ամենաթանկ տոմսերը՝ մենք ունենք ամենաամոթալի ավիացիոն քաղաքականությունը»,- ասաց Նաիրա Զոհրաբյանը:
«Ծառուկյան» խմբակցության պատգամավորի խոսքով, հայաստանցիները վճարում են «էլիտնի» թռիչքին համապատասխան գին, բայց մեկնում են գիշերային ժամերի. «Ինչո՞ւ են ավիատոմսերն այդքան թանկ, չարտերային թռիչքները մի քանի անգամ թանկ, բայց երթեւեկում ենք գիշերային ժամերի, երբ որպես կանոն, տոմսերն ավելի էժան պետք է լինեն»: