Տարածաշրջանում ամենաառանցքային խնդիրը Քուրդիստանի հարցն է դառնում։ Նոյեմբերի 15-ին՝ լրագրողների հետ հանդիպման ժամանակ, նման կարծիք է հայտնել «Ղարաբաղ» կոմիտեի նախկին անդամ Աշոտ Մանուչարյանը։
Նրա խոսքով՝ թվում է, թե խնդիրն իրականում լուծված է, բայց Քուրդիստանը պատրաստվում են ներսից «պայթեցնել»։ «Հիմա պատրաստվում են պայթեցնել նաեւ Լիբանանը։ Հայերի համար դա շատ կարեւոր պահ է»,– ասաց Մանուչարյանը՝ նշելով, որ Լիբանանն այն երկիրն է, որտեղ գտնում է Մերձավոր Արեւելքում ամենամեծ հայկական համայնքը։