BMW ընկերությունը ամբողջ արտադրական հզորությունները վերականգնվող էներգիայի աղբյուրներով փոխարինելու ծրագիր է ներկայացրել:
Այսպես, հարավաֆրիկյան Ռոսլինի գործարանը էլեկտրաէներգիան բնական միջոցներից կստանա՝ թրիքից եւ հավերի գոմաղբից, հաղորդում է Bloomberg-ը:
Անցյալ տարվա վերջի տվյալներով՝ 14 երկրներում գտնվող BMW գործարանները էլեկտրաէներգիայի 63 տոկոսը ստացել են վերականգնվող աղբյուրներից: Օրինակ, Լայպցիգում ընկերության գործարանը աշխատում է քամու գեներատորներից, իսկ Սպարտանբերգում՝ մոտակա աղբավայրում արտադրված մեթանից:
Մինչեւ 2020 թվականն ընկերությունը նախատեսում է ամբողջ արտադրությունը վերականգնվող էներգիայի աղբյուրներով աշխատեցնել:
