ԱՄՆ պետքարտուղար Ռեքս Թիլերսոնը Մյանմարի կառավարությանը կոչ է արել իրականացնել մահմեդական ռոհինջաների դեմ բռնարարքների մասին վստահելի եւ անկողմնակալ հետաքննություն: Նա նշել է, որ մեղավորները պետք է պատասխանատվության ենթարկվեն, հաղորդում է Reuters-ը:
Թիլերսոնը Մյանմարում է գտնվում, որտեղ երկրի փաստացի առաջնորդ Աուն Սան Սու Չժիի հետ քննարկում է ռոհինջա էթնիկ խմբի մուսուլման փախստականների ճգնաժամը:
Թիլերսոնը հանդիպել է հրամանատար Մին Աուն Հլայնի հետ, որի զորքերը մեղադրվում են հյուսիսարեւմտյան Ռաքխայն նահանգի ռոհինջաների գյուղերի դեմ «խանձված մարտավարության» կիրառման մեջ:
Զինվորական գործողությունները դեպի հարեւան Բանգլադեշ մոտ 600 հազար ռոհինջաների զանգվածային արտահոսքի են հանգեցրել: