Ռուսաստանի նախագահ Վլադիմիր Պուտինն իր հայ գործընկեր Սերժ Սարգսյանին Միխայիլ Վրուբելի «Դևը եւ հրեշտակը՝ Թամարայի հոգու հետ»  նկարն է վերադարձրել:

Պուտինը նշել է, որ այդ նկարը դժվար ճակատագիր է ունեցել: 1995-ին այն Երեւանի Ռուսական արվեստի թանգարանից գողացվել է:

Նկարը հաջողվել էր գտնել անցյալ տարի, ամբողջական վերականգնումից հետո հնարավոր է դարձել նկարի սկզբնական տեսքը վերականգնել:

Սերժ Սարգսյանը Ռուսաստանի նախագահին արժեքավոր նկարի համար շնորհակալություն է հայտնել:

Ավելի վաղ հաղորդվել էր, որ երկու երկրների նախագահներն այցելել են Տրետյակովսկայա պատկերասրահ եւ  դիտել նկարիչ Մարտիրոս Սարյանի աշխատանքների ցուցահանդեսը: