Չորեքշաբթի Ռիո դե Ժանեյրոյի բնակիչները քաղաքային լողափերից մեկում սապատավոր կետ են հայտնաբերել: Հսկա կաթնասունին պատկերող կադրերը ցուցադրվել են Globo-ի եթերում, փոխանցում է ՏԱՍՍ-ը:
Մոտ 30 տոննա քաշով եւ 13-15 մետր երկարությամբ կենդանին հայտնաբերվել է մեգապոլիսի ամենամարդաշատ Իպանեմա լողափի մոտ: Դեպքի վայր են ժամանել Բրազիլիայի շրջակա միջավայրի եւ բնական պաշարների վերականգնման պաշտպանության ինստիտուտի աշխատակիցները: Նախնական տեղեկություններով՝ կաթնասունին ջուրն ափ է նետել սատկելուց հետո:
Բրազիլիայի տարածքում այս տարի ջրից ափ նետված սապատավոր կետերի թիվը հասել է 2002 թվականից մտցված համապատասխան վիճակագրության ամենաբարձր ցուցանիշին: Մասնագետները հունվարից գրանցել են 97 այսպիսի դեպք: Հաջողվել է փրկել միայն 2 կաթնասունի, մնացյալ 95-ը սատկել են:
A dead 39-foot humpback whale washed up on the shores of Ipanema beach in Rio de Janeiro, Brazil. pic.twitter.com/m461JJ7WBV
— AJ+ (@ajplus) 16 ноября 2017 г.