Կենտրոնական բանկի նախագահ Արթուր Ջավադյանը մեկնել է Բելառուսի մայրաքաղաք Մինսկ՝ մասնակցելու ԵՏՄ անդամ պետությունների կենտրոնական (ազգային) բանկերի արժութային քաղաքականության խորհրդատվական խորհրդի 15-րդ նիստի աշխատանքներին:
Հայաստանի ԿԲ-ից NEWS.am-ին հայտնում են, որ միջոցառման շրջանակում նախատեսվում է քննարկել Եվրասիական տնտեսական միության շրջանակում ընդհանուր ֆինանսական շուկայի ձեւավորման հայեցակարգի, միության անդամ պետությունների միջեւ վարկային պատմությունների մաս կազմող տվյալների փոխանակման համաձայնագրի նախագծի եւ միության անդամ պետություններում ընթացիկ տնտեսական իրավիճակին եւ 2017 թ. 10 ամիսների ընթացքում իրականացվող դրամավարկային քաղաքականության, այդ թվում՝ փոխարժեքային քաղաքականության, վերաբերյալ հարցեր: