Նոյեմբերի 16-ին կառավարությունը հերթական նիստում հավանություն տվեց Հայաստանին ռուսական պաշտպանական 100 մլն դոլար վարկի տրամադրման համաձայնագրին եւ այն խորհրդարան ուղարկեց վավերացնելու:
Ըստ համաձայնագրի՝ Ռուսաստանը Հայաստանին պետական արտահանման վարկ կտրամադրի ռուսական արտադրության ռազմական նշանակության արտադրանքի մատակարարումը ֆինանսավորելու համար: Վարկը կտրանադրվի 20 տարի ժամկետով, որոնցից 5 տարին արտոնյալ՝ տարեկան 3 տոկոսով:
Կառավարության հիմնավորման մեջ նշված է, որ նոր համաձայնագիրը համապատասխանում է Հայաստանի ռազմավարական շահերին եւ կծառայի երկրի անվտանգության ամրապնդման նպատակին:
Հիշեցնենք, որ 2015 թվականի հունիսին Հայաստանը Ռուսաստանի հետ ռուսական սպառազինություն գնելու համար 200 մլն դոլար վարկի համաձայնագիր էր ստորագրել: