Դուբայում Mars Scientific City քաղաքի կառուցումը, որտեղ կնմանակեն Մարսի վրա մարդկանց կյանքը, պետք է ավարտվի 2,5 տարի հետո: Այս մասին հայտարարել է ԱՄԷ-ի տիեզերական գործակալության ներկայացուցիչ Մոհամմեդ Նասեր ալ Ահբաբին, հայտնում է Khaleej Times-ը:
Նա հստակեցրել է, որ շինարարության վայրը եւ նախագծի բյուջեն արդեն որոշվել են: Նախատեսվում է շինարարության ժամանակ ինովացիոն տեխնոլոգիաներ օգտագործել:
Mars Scientific City նախագիծը ներկայացրել է Դուբայի ժառանգորդ արքայազն, ԱՄԷ-ի վարչապետ Մուհամմեդ բին Ռաշիդը սեպտեմբերի վերջին տեղի ունեցած կառավարության նիստում:
Այն պետք է զբաղեցնի 1,9 մլն քառ. ֆուտ (ավելի քան 176,5 հազար քառ.մետր) տարածք: ԱՄԷ-ի իշխանությունները Mars Scientific City-ի իրականացման համար պատրաստվում են ծախսել 136,1 մլն դոլարից ավելի:
Նախագծի համաձայն՝ «մարսյան քաղաքը» անապատում տեղադրված գմբեթներ է լինելու, որոնց մեջ «մարսյան մթնոլորտում» բույսերի աճեցման փորձեր կիրականացվեն: Ըստ որում, ինչպես ենթադրում են մշակողները, քաղաքը պետք իրեն «ամբողջությամբ» ապահովի ջրով, էներգիայով եւ սննդամթերքով:
During the Annual #UAE Government Meetings, #UAE has revealed new AED 500 million project to build a city that simulates life on Mars pic.twitter.com/QBu5CK87YU
— Dubai Media Office (@DXBMediaOffice) September 26, 2017
