Հյուսիս-Հարավ ավտոճանապարհն այլընտրանք չունի այն երկրի համար, որը երկու հարեւանների կողմից ուղղակի փակ սահմաններ ունի: Այս մասին այսօր՝ նոյեմբերի 17-ին, Ազգային Ժողովում իր ելույթի ժամանակ ասաց ԱԺ «Ելք» խմբակցության պատգամավոր Արամ Սարգսյանը: Նրա խոսքով, այդ ճանապարհը Հայաստանի համար ստրատեգիական նշանակության էր, որն այդպես էլ իրականություն չդարձավ:
«Այդ ճանապարհը միանշանակ ստրատեգիական էր, որը նպատակ ուներ աշխարհաքաղաքական առումով միացնելու Չինաստանը մեր հարեւան Իրանի միջոցով Հայաստանով Եվրոպային: Ցավոք սրտի, իրականացման գործընթացի ժամանակ որոշակի քաղաքական միտումներ տեսա եւ դժբախտաբար, այդ քաղաքական միտումները գալիս են մեր եվրասիական գործընկերներից: Հայտարարեցին, որ ճիշտ կլինի, որ այդ ճանապարհը գնա Ղազախստանով ու Ռուսաստանով՝ շրջանցելով մեր տարածաշրջանը: Դրանից հետո Հայաստանում սկսեցին կարծիքներ հնչեցնել, որ արդյոք նպատակահարմար է էդ ճանապարհը, թե ոչ: Էս երկրում ամեն ինչ արվում է էն որակով, ինչ որակով, որ իրականացվում են համապետական ընտրությունները»,-ասաց նա:
