Արցախի խորհրդարանի մշտական հանձնաժողովների, խմբակցությունների եւ աշխատակազմի պատասխանատուների մասնակցությամբ, այսօր՝ նոյեմբերի 17-ին, տեղի է ունեցել աշխատանքային խորհրդակցություն, որը վարում էր ԱԺ նախագահ Աշոտ Ղուլյանը:
Արցախի Աժ-ից NEWS.am-ին հայտնում են, որ խոսելով խորհրդարան մտած օրենսդրական նախաձեռնությունների մասին՝ ԱԺ նախագահն անդրադարձել է Արցախի 2018թ. պետական բյուջեի եւ դրան կից օրենսդրական նախագծերի ու ծրագրերի քննարկմանը՝ ըստ հաստատված ժամկետացանկի, եւ կազմակերպչական այլ հարցերի:
Այնուհետեւ Աշոտ Ղուլյանն ամփոփել է նոյեմբերի 10-ին Երեւանում կայացած ՀՀ ԱԺ - Արցախի ԱԺ միջխորհրդարանական համագործակցության հանձնաժողովի 12-րդ նիստի արդյունքները՝ կարեւորելով օրակարգում ընդգրկված հարցերի հրատապությունն ու դրանց շուրջ միջհանձնաժողովային աշխատանքների շարունակման անհրաժեշտությունը:
Խորհրդակցության ընթացքում խոսվել է նաեւ Սահմանադրության պահանջներին համապատասխան՝ Ազգային ժողովին վերապահված լիազորությունների իրականացման եւ այդ ուղղությամբ առաջիկայում սպասվող քայլերի մասին:
Անդրադարձ է կատարվել նաեւ նոյեմբերի 23-ին նախատեսված «Հեռուստամարաթոն 2018»-ին եւ համազգային դրամահավաքին՝ Ազգային ժողովի մասնակցությանը: