ԵՏՄ-ին Հայաստանի անդամակցությունը ոչինչ չի տվել։ Այս մասին նոյեմբերի 17-ին լրագրողների հետ հանդիպման ժամանակ ասել է «Սպառողների խորհրդակցությունների կենտրոն» ՀԿ-ի նախագահ Կարեն Չիլինգարյանը։
Նրա խոսքով՝ այն Հայաստանի զգալի առավելություններ չի տվել ոչ իր արտադրանքի արտահանման, ոչ էլ ներմուծման հարցում։ «Եթե նախկինում երկիր ներկրվող պարենամթերքի որոշ տեսակների վրա գործում էր 10 տոկոսի չափով տուրք, ապա հիմա տուրքերը աճել են ու շարունակում են աճել»,- պարզաբանել է Չիլինգարյանը՝ հավելելով, որ Հայաստանում ԵՏՄ կարգավորման ամբողջական ներդրման դեպքում արտասահմանից ներկրվող ապրանքների վրա տուրքերը զգալիորեն կաճեն, ինչը կհանգեցնի շուկայում գների էլ ավելի մեծ աճի»
Փորձագետի կարծիքով՝ ՀՀ կառավարությունը պետք է ստեղծի մեխանիզմներ՝ այդ երեւույթի դեմ պայքարի ու երկրի քաղաքացիների համար բացասական հետեւանքները նվազագույնի հասցնելու համար։