Երբ չկա մրցակցություն՝ որակի մասին չեն մտածում։ Նոյեմբերի 17-ին լրագրողների հետ հանդիպման ժամանակ նման տեսակետ է հայտնել «Սպառողների խորհրդակցության կենտրոն» ՀԿ-ի նախագահ Կարեն Չիլինգարյանը, պատասխանելով NEWS.am-ի թղթակցի այն հարցին, արդյոք արտասահմանից ԵՏՄ երկրներ արտահանվող ապրանքների տուրքերի բարձրացումը կհանգեցնի ԵՏՄ-ում արտադրվող ապրանքի՝ առանց այդ էլ ցածր որակի հետագա վատացմանը։
Նրա խոսքով՝ նման վտանգ կա։ Մրցակցությունը հանգեցնում է նրան, որ որակը մշտապես բարձրանում է։ «Իսկ այս դեպքում կարող է նույնիսկ որակի վատացում լինել»,- նշել է Չիլինգարյանը, հավելելով, որ այդ դեպքում կիրացվի միայն այն ապրանքը, որը ԵՏՄ երկրներում է արտադրվում, ինչը կհանգեցնի մրցունակության զգալի նվազմանը։
