Նոյեմբերի 17-ին ԱԺ-ն երկրորդ վերջնական ընթերցմամբ ընդունեց կառավարության ներկայացրած «ՀՀ Զինված ուժերի համար նախատեսված ՀՀ եւ ՌԴ միջպետական (միջկառավարական) համաձայնագրերի շրջանակում ներմուծվող բացառապես ռազմական նշանակության արտադրանքը ԱԱՀ-ից ազատելու մասին» օրինագիծը: Քվեարկությանը 91 պատգամավոր է մասնակցել, կողմ է քվեարկել 86-ը, մյուսները ձեռնպահ են մնացել:
Ավելի վաղ օրինագիծը ներկայացնելիս ֆինանսների նախարար Վարդան Արամյանը նշել էր, որ կառավարությունը նպատակահարմար չի համարում տվյալ տեսակի արտադրանքից ԱԱՀ հարկելը, քանի որ այն իրացվելու հհնարավորություն չունի ինչպես ներքին շուկայում, այնպես էլ երրորդ երկիր արտահանելու դեպքում: «Փաստորեն, մենք ազատվում ենք բյուջեում ավելորդ գործողությունից, քանի որ մատակարարման համար վճարվող հարկը, միեւնույն է՝ պետք է բյուջեից դուրս գրվի»,- պարաբանել էր Արամյանը:
