Երեւանի Ավան համայնքում դպրոցահասակների միջեւ վիճաբանություն ավարտվել է դանակահարությամբ։ NEWS.am-ի տեղեկություններով, երեկ՝ նոյեմբերի 17–ին Ավանի թաղամասերից մեկից հիվանդանոց է տեղափոխվել 8–րդ դասարանի աշակերտ՝ որովայնի հատվածում դանակի վնասվածքով։ Ավելի ուշ պարզվել է, որ նա վնասվածքը ստացել է երեկ երեկոյան։
Դանակահարության մեջ կասկածվողը Ավանի 17–ամյա բնակիչն է։ Վերջինիս հայտնաբերելու եւ մանարմասները պարզելու ուղղությամբ միջոցառումներ են ձեռնարկվել։
Այս տեղեկությունը NEWS.am-ի հետ զրույցում հաստատել են ոստիկանությունից, մանրամասներ չեն նշել: