Վարդենիսի բնակչուհի Վեներա Ներսիսյանը, ինչպես եւ շատ այլ կանայք, ում կյանքում դաժան փորձություն է բաժին հասել, երկար տարիներ չի կորցնում անհետ կորած որդու՝ Կարենի վերադարձի հույսը:
NEWS.am-ի հետ զրույցում Վեներա Ներսիսյանը պատմել է, որ Կարենը 1995-ին զորակոչվել է բանակ եւ Մատաղիսում ծառայել:
Լավ էր ծառայում, բողոքներ չուներ, որդին ծառայությունից գոհ էր:
Հետո ադրբեջանցիները հարձակվեցին այն դիրքերի վրա, որտեղ Կարենն էր գտնվում:
«Որդիս վիրավորվել էր, հետո իմացանք, որ Կարենը գերի է ընկել: Ամուսինս գնաց, ծառայակիցների հետ խոսեց», - պատմել է Վեներան:
Մի քանի տարի լուրեր էին շրջանառվում, որ Կարենը ողջ է եւ հնարավոր է փոխանակում կատարվի:
Սարսափելի ապրումներից Վեներայի ամուսինը ուռուցքաբանական հիվանդությունից մահացավ:
Վեներան եւս երկու որդի ունի եւ հինգ թոռ: Կարենը 18 տարեկան էր, երբ անհետ կորավ, չհասցրեց ամուսնանալ: