Սյունիքի մարզում պոռնկությամբ զբաղվելուն նպաստելու մեջ մեղադրվող 78-ամյա կինը դատապարտվեց պայմանական ազատազրկման:
Ըստ մեղադրական եզրակացության՝ Ստելլան իր որդուն պատկանող հյուրանոցի սենյակները անցած տարվա սեպտեմբերից մինչեւ այս տարվա օգոստոսը պարբերաբար 2 կանանց կողմից պոռնկությամբ զբաղվելու համար օգտագործելով և դրա դիմաց գույքային օգուտ ստանալով դիտավորությամբ նպաստել է նրանց պոռնկությամբ զբաղվելուն:
Սյունիքի մարզի ընդհանուր իրավասության դատարանը տարեց կնոջը մեղավոր է ճանաչել Քրեական օրենսգրքի 262-րդ հոդվածի 2-րդ մասի 5-րդ կետով եւ դատապարտել 3 տարվա ազատազրկման: Պատիժը պայմանականորեն չի կիրառվի, սահմանվել է փորձաշրջան 2 տարի ժամկետով:
