Նոյեմբերի 19-ին Զիմբաբվեում իշխող «Զիմբաբվեի Աֆրիկյան ազգային միություն-հայրենասիրական ճակատ» կուսակցության (ZANU-PF) կենտրոնական կոմիտեի հատուկ նիստը, որտեղ հնարավոր է նախագահ Ռոբերտ Մուղաբեի հրաժարականի հարցը լուծվի, անցկացվում է մայրաքաղաք Հարարեում, հաղորդում է ZBC հեռուստաալիքը:
Հեռուստաալիքը նշում է, որ նիստը նախկինում տնային կալանքի ենթարկված 93-ամյա նախագահի համար կարող է որոշիչ լինել:
Բացի այդ, ԿԿ նիստի ժամանակ կարող է նախագահի կնոջ՝ Գրեյս Մուղաբեի ճակատագրը որոշվել:
Ավելի վաղ հաղորդվել էր, որ զինվորականները վերահսկողության տակ են վերցրել Զիմբաբվեի մայրաքաղաք Հարարեի հեռուստաաշտարակը եւ նախագահ Մուղաբեի նստավայրոը: Մուղաբեն Հարավային Աֆրիկայի իր գործընկեր Ջեյկոբ Զումայի հետ հեռախոսազրույցում հաստատել է, որ զինվորները նրան պահում են տնային կալանքի տակ: