Աֆրիկայի հարավի զարգացման համայնքի չորս երկրների առաջնորդները նոյեմբերի 21-ին՝ Անգոլայի մայրաքաղաքի գագաթաժողովում, Զիմբաբվեում տիրող իրավիճակը կքննարկեն: Նոյեմբերի 19-ին Զիմբաբվեի նախագահ Ռոբերտ Մուղաբեն իշխող կուսակցության ղեկավարի պաշտոնից հեռացվել է, հաղորդում է «ՌԻԱ Նովոստին»:
«Սպասվում է, որ գագաթաժողովում Զիմբաբվեում տեղի ունեցող իրադարձությունները կքննարկվեն», - հաղորդում է Հարավային Աֆրիկայի նախագահ Ջեյկոբ Զումայի գրասենյակը: Զուման մտադիր է նիստին որպես միության նախագահ մասնակցել: Բացի այդ, ըստ Open Zambia պորտալի, գագաթաժողովին կմասնակցեն Անգոլայի, Տանզանիայի եւ Զամբիայի առաջնորդները:
Ավելի վաղ հաղորդվել էր, որ զինվորականները Զիմբաբվեի Հարարե մայրաքաղաքում վերահսկողության տակ են վերցրել Մուղաբեի նստավայրը եւ հեռուստաաշտարակը: Նախագահը Զումայի հետ հեռախոսազրույցում հաստատել էր, որ զինվորականները նրան տնային կալանքի տակ են պահում: