Բանգլադեշի եւ Մյանմարի իշխանությունները բանակցություններ են սկսել Մյանմարից փախած մուսուլման ռոհինջաների հայրենադարձության վերաբերյալ: Այս մասին հայտարարել է Բանգլադեշի ԱԳ նախարար Աբուլ Հասան Մահմուդ Ալին, հաղորդում է Reuters-ը:
«Բանգլադեշը եւ Մյանմարը Մյանմարի փախստականների վերադարձի մասին երկկողմ համաձայնագրի շուրջ բանակցություններ են վարում: Նախատեսվում է ստեղծել համատեղ աշխատանքային խումբ `հայրենադարձությանը նպաստելու համար», - ասել է նախարարը:
«Երկու երկրները գրեթե հասել են այդ հարցի շուրջ փոխըմբռնման, մի քանի կետ է մնացել համաձայնեցնել»: