Գերմանիայի Տեխնիկական վերահսկողության ասոցիացիան (TUV) հրապարակել է մարդատար ավտոմեքենաների հուսալիության վարկանիշը, հաղորդում է «ՌԻԱ Նովոստին»:
Փորձագետները վերլուծել են մոտ 10 մլն տեխզննման արդյունքները:
Արդյունքում երկու եւ երեք տարեկան ավտոմեքենաների մեջ առավել հուսալի է ճանաչվել Mercedes-Benz SLK-ն: Երկրորդը Volkswagen Golf Sportsvan-ն է, երրորդ տեղը բաժանել են եւս երկու Mercedes՝ B դասի եւ GLK:
Չորսից հինգ տարիքային խմբում են B-դասի Mercedes-Benz-ը, Porsche 911-ը, Mazda CX-5-ը եւ Audi Q5-ը: