Անհապաղ բժշկական օգնության ուղղաթիռը կործանվել է ԱՄՆ Արքանզասի նահանգի համանուն շրջանում, զոհվել է երեք մարդ հաղորդում է KARK-TV հեռուստակայանը:
Երթակարգավարները դեպքի մասին հաղորդագրությունն ստացել են կիրակի՝ մոտ 20:00-ին: Տեղի բնակիչը պատմել է, որ ուղղաթիռն ընկել է ջրամբարին հարակից ավտոճանապարհից քիչ հեռու: Ինչպես հայտնել է Արկանզաս շրջանի ոստիկանապետ Թոդ Ռայթը, դեպքի վայր ժամանած փրկարարները հայտնաբերել են հրդեհված ուղղաթիռն ու երեք զոհերին: Ըստ նրա, ուղղաթիռում պացիենտներ չեն եղել:
Տեղական իշխանությունները ենթադրում են, որ ուղղաթիռը Փայն Բլաֆ քաղաքից ուղեւորվել էր Հելենա քաղաք: Փոխադրամիջոցներում անվտանգության ազգային խորհրդի մասնագետները եւ ԱՄՆ Քաղավիացիայի դաշնային վարչությունը, վթարի պատճառներն ուսումնասիրելու համար, ուղեւորվել են դեպքի վայր: