Ամռանը WWDC համաժողովում Apple-ի ներկայացրած iMac Pro մոնոբլոկը մշտապես կլսի իր տիրոջը, հայտնում է The Next Web-ը:
MacOS-ի կցման տեղում հետաքրքիր դետալը նկատել են համացանցի օգտատերերը: Համակարգում հիշատակվում է A10 Fusion չիփի մասին, որով 2016 թվականին հավաքվել էր iPhone 7-ը: Բջջային պրոցեսորը սմարթֆոնի արտադրողականությունն ավելացնում էր եւ թույլ տալիս iPhone-ի տիրոջը մշտապես լսել: Դրա շնորհիվ նոր այֆոնների տերերը կարող էին առանց հպվելու ձայնային օգնականին կանչել «Բարեւ, Siri!» հրամանով:
Apple-ի սեղանի օպերացիոն համակարգերում ձայնային օգնականը հայտնվել է անցյալ տարի MacOS Sierra-ում: Սակայն Siri-ին կանչելու համար անհրաժեշտ էր սեղմել օգնականի նշանի վրա կամ ստեղնաշարի որոշակի կոմբինացիա հավաքել:
Apple-ը մոնոբլոկների հավաքածուն ամռանն է բարեփոխել WWDC համաժողովում: Ընկերությունը iMac Pro-ն անվանել է Mac հավաքածուի ամենաարտադրողական համակարգիչը: iMac Pro-ի բազային լրակազմն արժե 4999 դոլար: Մատակարարումները կսկսվեն մինչեւ տարեվերջ: