«1 CLICK» վարկն օնլայն վարկ է, որը հասանելի է հաճախորդներին Ինեկոբանկի օնլայն բենքինգ համակարգի միջոցով շաբաթվա բոլոր օրերին, օրվա ցանկացած ժամի՝ 24/7 ռեժիմով: Վարկը տրամադրվում է հաշված վայրկյանների ընթացքում՝ ընդամենը մեկ քլիքով։
«Օնլայն վարկի ներդրումը մեր հաճախորդների պահանջն է, որոնք, ունենալով զբաղված գրաֆիկ, չեն ցանկանում լրացուցիչ ժամանակ ծախսել բանկի մասնաճյուղեր այցելելու համար եւ նախընտրում են բանկային ծառայությունից օգտվել օնլյան եւ մոբայլ ուղիների միջոցով։ Ներդնելով այս նոր վարկատեսակը՝ Ինեկոբանկը լուծում է իր հաճախորդների համար մի շատ կարեւոր խնդիր՝ հաշված վայրկյանների ընթացքում տրամադրում է մինչեւ 1,500,000 ՀՀ դրամ վարկ հաճախորդի համար ամենահարմար վայրում եւ օրվա ցանկացած ժամի։
Հաճախորդները ինքնուրույն կարող են փոփոխել վարկի գումարը առաջարկված սահմանաչափի շրջանակներում, ընտրել իրենց հարմար վճարման օրը, ինչպես նաեւ` վարկի ժամկետը»,- նշել է Ինեկոբանկի զարգացման գծով տնօրեն Արեն Նալթակյանը։
Ինեկոբանկի առաջնային նպատակներից է բանկային ծառայություններից օգտվելը դարձնել հաճախորդների համար պարզ եւ արագ գործընթաց, որը միշտ հասանելի է՝ անկախ հաճախորդի գտնվելու վայրից:
Բանկը, ունենալով ՀՀ-ում ամենատարածված ֆինանսական հավելվածը՝ InecoMobile-ը, վաղուց արդեն իր հաճախորդների համար օնլայն ռեժիմով հասանելի է դարձրել բանկային գրեթե բոլոր ծառայությունները, այդ թվում տարատեսակ փոխանցումների իրականացումը, ավանդների ընդունումը եւ համալրումը, կոմունալ վճարումների կատարումը, արտարժույթի փոխանակումը, արագ դրամական փոխանցումներ իրականացումը եւ այլ ծառայություններ։
Ինեկոբանկի համար հաճախորդների գոհունակության բարձրացումը եւ հարմարավետության ապահովումը ունի կարեւոր ռազմավարական նշանակություն: Այդ նպատակով բանկը մշտապես բարելավում է իր կողմից մատուցվող ծառայությունների որակը՝ իրականացնելով ներդրումներ թե՛ տեխնոլոգիաների զարգացման, թե՛ գործող մասնաճյուղային ցանցի բարելավման ուղղությամբ։
1 CLICK վարկի պայմաններին մանրամասն կարող եք ծանոթանալ այցելելով www.inecobank.am կամ զանգահարելով 510-510 հեռախոսահամարով: