Նոյեմբերի 8-ի կեսօրին ոստիկանության Նոր Նորքի բաժին է դիմել Մալդովական փողոցի մի բնակիչ, ով հայտնել է, որ գիշերը սովորականի նման կայանել էր իր «Օպել» մակնիշի մեքենան, իսկ առավոտյան պարզել է, որ գողացել են մեքենայի թափարգելը՝ հակամառախուղային լուսարձակով եւ համարանիշով։
Օպերատիվ հետախուզական միջոցառումների արդյունքում պարզվել է, որ գողությունը կատարել է նույն փողոցի բնակիչ 18-ամյա Մեսիա Սեթոյանը։ Քրեական հետախույզներին հաջողվեց պարզել նաեւ, որ գողոնը թաքցրել էր դեպքի վայրից մի քանի մետր հեռավորության վրա։ Նոր Նորքի բաժնում Մեսիա Սեթոյանը խոստովանեց, որ առանց տեխնիկական միջոցների գործադրման ինքն է հանել թափարգելը։ Նա խոստովանեց, որ փորձել էր գողանալ մեկ այլ մեքենայի թափարգել, բայց գործը հաջողությամբ չի պսակվել։ Դեպքի առթիվ հարուցվել է քրեական գործ, կատարվում է հետաքննություն։