Չինաստանում թմրադեղերի երկու վաճառականներ դատապարտվել են մահապատժի՝ երկու տարվա հետաձգումով։
«Սինհուան» հայտնել է, որ թմրադեղերի առեւտրի ու պատրաստման մասին գործը, որում 82 մարդ էր ներառված, Սըչուան նահանգի պատմության մեջ նմանատիպ գործերից ամենախոշորն է։
Չորս ամսվա հետաքննությունից հետո ոստիկանությունը վնասազերծել է Մյանյան քաղաքում տեղակայված հանցավոր խմբավորումը։ Առգրավվել է 2 կգ մետամֆետամին, 3․2 կգ հեղուկ մետամֆետամին ու 2 հազար հաբ «մագու» սինթետիկ թմրադեղ, որն իրենից ներկայացնում է մետամֆետամինի ու կոֆեինի խառնուրդ։ Միաժամանակ, առգրավվել է հինգ փոխադրամիջոց ու սառեցվել է ավելի քան 1․3 մլն յուան ։
Ըստ դատավճռի՝ խմբավորման երկու անդամները ցմահ ազատազրկման են դատապարտվել, մեկը՝ 15 տարվա ազատազրկման, իսկ մյուսը՝ մեկ տարվա։ Մնացածը ենթարկվել են վարչական կալանքի կամ ուղարկվել են հարկադիր բուժման։