Երեկ երեկոյան Շոթա Ռուսթավելու անվան Թբիլիսիի պետական ակադեմիական թատրոնում Վրաստանի Պետական սիմֆոնիկ նվագախմբի համերգը գրավել է մասնագետների եւ երաժշտության սիրահարների ուշադրությունը: Առաջին անգամ նվագախումբը ղեկավարել է խորհրդային առաջնորդ Իոսիֆ Վիսարիոնիչ Ստալինի (Ջուղաշվիլի) անվանակից ծոռնորդին՝ 23-ամյա Իոսիֆ Վիսարիոնովիչ Ջուղաշվիլին:
ՏԱՍՍ-ի հետ զրույցում երիտասարդ դիրիժորը նշել է, որ 2012 թվականից նա ղեկավարում է Թբիլիսիի երաժշտական սեմինարիայիի ուսանողական նվագախումբը, որը նա ավարտել է 2014 թվականին: Այժմ նա Թբիլիսիի պետական կոնսերվատորիայի չորրորդ կուրսում է սովորում՝ պրոֆեսոր Ռեւազ Թավաձեի դասարանում:
«Ինձ համար մեծ պատիվ էր Վրաստանի պետական սիմֆոնիկ նվագախմբի ղեկավարի, ականավոր կոմպոզիտոր Նիկոլոզ Ռաչվելիի հրավերով ղեկավարել այս նվագախումբը, որի երաժիշտները իսկապես վիրտուոզ կատարողներ են», - ասել է նա:
Իոսիֆ Ջուղաշվիլին ծնվել է 1994 թվականի դեկտեմբերի 28-ին Թբիլիսիում:
Թբիլիսիի պետական կոնսերվատորիայի բեմում նա առաջին անգամ որպես դաշնակահար է հայտնվել՝ 2006-ի հունիսին, երբ 11 տարեկան էր: