ԱՄՆ Թեխաս նահանգում Laughlin ավիաբազայից ոչ հեռու աղետի է ենթարկվել երկտեղանի գերձայնային ուսումնական T-38 Talon օդանավը, օդաչուներից մեկը զոհվել է: «ՌԻԱ Նովոստի»-ի փոխանցմամբ՝ այս մասին նշված է բազայի պաշտոնական կայքում:
Պատահարը տեղի է ունեցել Դել Ռիո քաղաքի շրջանում:
«Օդաչուներից մեկը զոհվել է, մյուսը տեղափոխվել է Val Verde բժշկական կենտրոն, երբ Թեխասի նահանգում ՌՕՈւ-ի Laughlin բազայի T-38 Talon օդանավը այսօր աղետի է՝ ենթարկվել»,- նշված է ավաբազայի հաղորդագրության մեջ:
Օդաչուների անունները չեն հրապարակվում: Զինվորականները մտադիր են պատահարի քննություն սկսել:
