Եվրամիության դատարանը Բելովեժյան թավուտը հատելու համար Լեհաստանին նշանակել է խոշոր տուգանք՝ օրական 100 հազար եվրոյի չափով հօգուտ Եվրահանձնաժողովի: Այս մասին հայտնում է Gazeta-ն:
«Լեհաստանը պետք է անհապաղ դադարեցնի Բելովեժյան թավուտում անտառահանդերի նկատմամբ իր ներկա գործողությունները, բացի բացառիկ դեպքերից, երբ դա խիստ անհրաժեշտ է հասարակական անվտանգության ապահովման համար»,- ասվում է փաստաթղթի տեքստում:
Հաղորդագրության մեջ նշվում է, որ եթե Վարշավան խախտի այդ կարգադրությունը, ստիպված կլինի Եվրահանձնաժողովին օրական վճարել նվազագույնը 100 հազար եվրո տուգանք:
Բացի այդ, փաստաթղթում ասվում է, որ ԵՄ դատարանի փոխնախագահը 2017 թվականի հուլիսի 27-ին կանխարգելիչ կարգով արգելել է Լեհաստանին Բելովեժյան թավուտում հատումը՝ հիմնվելով Եվրահանձնաժողովի ներկայացրած հայցի վրա: Վարշավան ի պատասխան ԵՄ դատարանի պահանջների՝ պարզաբանել է, որ հատվում են միայն «հասարակական անվտանգությանը սպառնացող», ինչպես նաև «մահացած և թույլ» ծառերը:
Լեհաստանի՝ երկրի տարածքում գտնվող Բելովեժյան թավուտի մի մասը հատելու մտադրությունների մասին հայտնի է դարձել օգոստոսին: