Երեւանում, նոյեմբերի 19-ին, ժամը 23։50-ի սահմաններում, Կասկադի աստիճանների վրա անհայտ անձը դանակի սպառնալիքի տակ հափշտակել է Երեւանի բնակչուհի՝ 24-ամյա Մարիամ Մ.-ի Samsung 5S Mini տեսակի բջջային հեռախոսը, իսկ հետո դիմել է փախուստի։

Shamshyan.com-ի  փոխանցմամբ, իրավապահները օպերատիվ-հետախուզական եւ քննչական համատեղ գործողություններ են իրականացնում կասկածյալին, ինչպես նաեւ գողոնը հայտնաբերելու ուղղությամբ։

Աղբյուրի տեղեկություններով՝ տուժած Մարիամ Մ.-ն աշխատում է «Գրանդ Հոթել Երեւան» հյուրանոցային համալիրում։

Դեպքի առթիվ հարուցվել է քրեական գործ՝ ավազակային հարձակում կատարելու հոդվածով: