Հայաստանի եւ Ռուսաստանի հարաբերություններն ունեն անկեղծ դաշնակցային եւ ռազմավարական գործընկերության բնույթ: Այս մասին հայտարարեց ՌԴ արտգործնախարար Սերգել Լավրովը Երեւանում նոյեմբերի 21-ին՝ Հայաստանի արտգործնախարար Էդվարդ Նալբանդյանի հետ ունեցած համատեղ մամուլի ասուլիսի ժամանակ:
Գոհունակություն հայտնելով հայ ընկերներին ջերմ ընդունելության համար՝ նախարարը նշեց, որ սա ընթացիկ տարում առաջին հանդիպումը չէ: Այդ թվում՝ օրերս Մոսկվայում ընդունել էին հայ պատվիրակությանը: Այս երկու այցելությունները նվիրված են դիվանագիտական հարաբերությունների հաստատման 25-ամյակին եւ Բարեկամության, համագործակցության ու փոխօգնության մասին պայմանագրի 20-ամյակին:
Նախարարների հանդիպման ժամանակ քննարկվել է այս տարի նախագահների 3 հանդիպումների շրջանակում ձեռք բերված պայմանավորվածությունների կատարման ընթացքը: Կողմերն արձանագրել են առեւտրային հարաբերությունների մեծացման ճանապարհին հաջող առաջընթացը: Սրա հետ կապված Սերգեյ Լավրովը նշեց, որ ընթացիկ տարվա 8 ամսում ապրանքաշրջանառությունը մեկ երրորդով աճել է անցյալ տարվա նույն ժամանակահտվածի համեմատ: Ռուսաստանը ներդրումների ծավալով առաջին տեղում է, Հայաստանում գործում է գրեթե 2 հազար ռուսական ընկերություն կամ խառը կապիտալով, դրանց թվում են այնպիսի խոշոր ընկերություններ, ինչպիսին են «Գազպրոմը», «Ռուսական երկաթուղին». «Ռուսալը»: Հանդիպմանը քննարկվել են վառելիքաէներգետիկ ոլորտում նախագծերը, այդ թվում՝ Հայկական ԱԷԿ-ի աշխատանքի երկարացման հարցը:
ՌԴ ԱԳ նախարարը նշեց ռազմատեխնիկական ոլոտում համագործակցության մասին: «Շարունակվում են Հայաստանին անհրաժեշտ ռազմական նշանակության արտադրանքի մատակարարումները»,- նշեց Լավրովը: Նա նաեւ ընդգծեց հումանիտար ոլորտում ակտիվ համագործակցությունը: Ըստ որում՝ նա առանձնացրեց Ռոս-հայկական Սլավոնական համալսարանի դերը: Շարունակվում է ռուսական բուհերում հայ ուսանողների ուսանելու պրակտիկան, ներառյալ Մոսկվայի Միջազգային հարաբերությունների պետական ինստիտուտում եւ ԱԳՆ դիվանագիտական ակադեմիայում: Նախարարը նշեց, որ Հայաստանը ինտեգրացիոն համակարգերի ակտիվ անդամն է:
