2017 թվականի հունվարի 1-ից հոկտեմբեր Հայաստանի գրեթե 21 հազար 520 քաղաքացիներ օնլայն ռեժիմով դիմումներ են ներկայացրել առաջին եւ երկրորդ երեխայի ծննդյան միանվագ նպաստ ստանալու մասին: Նոյեմբերի 21-ին կայացած մամուլի ասուլիսում այս թիվը ներկայացրեց Սոցիալական ապահովության պետական ծառայության պետ Հովհաննես Սահակյանը: Նա հավելեց, որ այս ժամանակահատվածում երկրում ընդհանուր առմամբ գրանցվել է 34 հազար 786 նորածին:
«Սոցապահովության պետական ծառայության եւ Արդարադատության նախարարության էլեկտրոնային համակարգերի ներդրումը քաղաքացիներին հնարավորություն է ընձեռել ՔԿԱԳՎ-ում առաջին եւ երկրորդ երեխայի գրանցումից հետո լրացնել նաեւ միանվագ նպաստ ստանալու մասին էլեկտրոնային դիմում: Սա համակարգում նորամուծություն է, իսկ ստացած արդյունքները կարելի է միանգամայն հաջողված համարել: Այսօրվա դրությամբ աշխատում ենք նաեւ երրորդ եւ հաջորդ երեխայի ծննդյան միանվագ նպաստ ստանալու մասին օնլայն ռեժիմում էլեկտրոնային դիմում ներկայացնելու համանման համակարգ ներդնելու վրա»,- նշեց Սահակյանը:
Նրա խոսքով՝ մոտ ապագայում կդյուրացվի նաեւ հուղարկավորության համար նպաստներ ստանալու դիմումներ ներկայացնելու ընթացակարգը, որտեղ եւս ծրագրվել է էլեկտրոնային համակարգ ներդնել: