Սերգեյ Լավրովի պաշտոնական այցը Երեւան խորապես խոհրդանշական է: Այս մասին ՀՀ ԱԳ նախարար Էդվարդ Նալբանդյանը հայտարարեց նոյեմբերի 21-ի Երեւանում կայացած իր ռուս գործընկեր Սերգեյ Լավրովի հետ համատեղ մամուլի ասուլիսում:
Նախարարը նշեց, որ ռուս գործընկերոջ հետ հանդիպումները պարբերական բնույթ ունեն՝ ինչպես Հայաստանի եւ ՌԴ մայրաքաղաքներում, այնպես էլ միջազգային հարթակներում: Նալբանդյանի խոսքով՝ Սերգեյ Լավրովի պաշտոնական այցը խորապես խորհրդանշական է, քանի որ այս տարի նշվում են մի քանի նշանակալի տարեթվեր՝ դիվանագիտական հարաբերությունների հաստատման 25-ամյակը եւ Բարեկամության, համագործակցության եւ փոխօգնության մասին պայմանագրի 20-ամյակը:
Նախարարի խոսքով՝ այս կապակցությամբ տարվա ընթացքում տարբեր միջոցառումներ են կազմակերպվել: Պայմանավովածությունները հաջողությամբ կատարվում են: Բանակցությունների ընթացքում քննարկվում է երկկողմանի հարաբերությունների ամբողջ սպեկտորը: Մանրամասն քննարկվել է բարձր մակարդակով քաղաքական պայմանավորվածությունների կատարումը, որոնք ձեռք են բերվել այս տարի նախագահների երեք հանդիպումների արդյունքներով: ԱԳ նախարարներն արձանագրեցին տնտեսական, մշակութային հարաբերությունների զարգացումը՝ հատկապես նշելով շրջանների ներգրավվածության կարեւորությունը: Հանգամանորեն քննարկել են միջազգային կազմակերպություններում պայմանավորվածությունների կատարումը:
Կողմերը քննարկել են անվտանգության հարցերը: Առանձնահատուկ ուշադրություն է հատկացվել Լեռնային Ղարաբաղի հակամարտությանը, Հայաստանի եւ ԵԱՀԿ Մինսկի խմբի ջանքերին՝ ուղղված իրավիճակի թեժացում թույլ չտալուն եւ բանակցությունների շարունակմանը:
