2018 թվականի հունվարի 1-ից էլեկտոնային թոշակների տեղեկատվական բազան հասանելի կդառնա նաեւ Հայաստանի ուժային կառույցների աշխատակիցների համար: Այս մասին նոյեմբերի 21-ին մամուլի ասուլիսի ժամանակ ասաց Սոցիալական ապահովության պետական ծառայության պետ Հովհաննես Սահակյանը:
Խոսքը Պաշտպանության, Արդարադատության նախարարությանունների, ԱԻՆ Փրկարար ծառայության, Կառավարությանն առընթեր Ազգային անվտանգության ծառայության համակարգի զինծառայողների (նրանց հավասարեցված անձանց եւ ընտանիքների անդամների), Ոստիկանության աշխատակիցների մասին է:
Պաշտոնյայի խոսքով՝ ուժային կառույցներում այս համակարգի ներդրումը թույլ կտա 28 հազար 111 գործերի տվյալները մտցնել էլեկտրոնային թոշակների տվյալների բազա՝ դրանով ապահովելով էլեկտրոնային ձեւաչափով զինվորական թոշակների նշանակումն ու վճարումը: