Ցուցարար ուսանողների եւ իշխանության ներկայացուցիչների կլոր սեղան քննարկմանը վաղը պաշտպանության նախարարությունից մասնակցելու է փոխնախարար Արտակ Զաքարյանը։
Մինչ քննարկումը նա չցանկացավ բացել փակագծերը, թե ուսանողների՝ ուսման տարկետման իրավունքը վերականգնելու պահանջը որքանով կարող է իրագործվել։ Ինչ վերաբերում է առողջապահական ոլորտի սողանցքներին, որոնք ի տարբերություն կրթության ոլորտին շարունակում են մնալ, NEWS.am–ի հետ զրույցում ասաց, որ քննարկվում են այդ սողանցքները եւս սահմանափակելու ուղղությամբ։ «Այդ ուղղությամբ աշխատանքներ են արվելու, հստակեցվելու են չափանիշները, խստացվելու է եւ ամեն ինչ բոլորի համար ընդունելի է լինելու»,–ասաց Արտակ Զաքարյանը՝ հրաժարվելով մանրամասներ ներկայացնել։
